concello de BERGONDO - Xoia das Mari�as

Inicio » #Áreas e Servizos » Matrimonios civís

Matrimonios civís

A+ A- Impresora - Imprimir Correo - Enviar

Matrimonios civís no concello de Bergondo

A Lei 35/1994, de 23 de decembro faculta ós alcaldes para autorizar matrimonios, deste xeito, as persoas que desexen contraer matrimonio en forma civil poden elexir entre facelo no Xulgado correspondente ou no Concello.

O expediente matrimonial

Dado que as corporacións locais carecen de competencias para a instrucción do expediente previo, éste debe ser tramitado conforme recollido no artigo 238 do Regulamento do Rexistro Civil, e dicir, diante do Xuíz Encargado ou de Paz ou o Encargado do Rexistro Civil consular, correspondente ó domicilio de calquera dos contraíntes.

A día de hoxe está prevista unha reforma do Código Civil respecto a esta materia, no Anteproxecto de Lei da Xurisdicción Voluntaria, que contempla a posibilidade de que os matrimonios civís poidan ser celebrados tamén ante notario.

No caso de Bergondo, deberán dirixirse ó Xulgado de Paz desde concello. Alí indicaráselles a documentación esixida.

Os interesados deberán tamén presentarse na oficina da Secretaría de Alcaldía co fin de facilitar os seus datos e os das testemuñas (maiores de idade), así como concretar a data de cerimonia. O único requisito que se pide neste concello é que un dos contraíntes estea empadroado en Bergondo.

Este trámite poden facelo antes ou despois de iniciar os trámites no Xulgado de Paz. Débese ter en conta que o tempo medio de tramitación do expediente no Xulgado é de tres meses.

Horario e datas das celebracións

As vodas en Bergondo pódense celebrar calquera día da semana en horario de mañá ou tarde, e teñen unha duración máxima de 1 hora.

No caso de desistir da celebración da cerimonia, prégase que se comunique por escrito.

Lugar e duración

As cerimonias de matrimonio civís celébranse habitualmente do Salón de Plenos municipal, situado na primeira planta da Casa Consistorial, ainda que por motivos de espazo, poderíase habilitar o Salón de Actos do Multiusos da Senra.

A cerimonia

Na data e hora previstas para a celebración, os contraíntes, testemuñas e invitados accederán ó Salón de Plenos ou lugar que o substitúa.

A cerimonia será oficiada pola Alcaldesa-Presidenta, poidendo delegar esta función nalgún outro concelleiro/a. Asimesmo, tamén pode oficiala calquera membro da Corporación, se así o solicitan os contraíntes.

Acta de matrimonio e Libro de familia

Ó finalizar a celebración, unha vez declarada a unión matrimonial, os contraíntes, testemuñas e oficiante asinarán a correspondente acta matrimonial. Un exemplar da mesma remitirase ó Rexistro Civil de Bergondo, que á súa vez fará entrega do Libro de Familia ós contraíntes.



Secretaría de Alcaldía

Casa do Concello. Planta principal

 981 79 12 52, ext. 9

Secretaría de Alcaldía

Xulgado de Paz e Rexistro Civil

Estrada da Coruña (ó carón da Casa do Concello)

981 79 43 34

Xulgado de Paz e Rexistro Civil


Lei 15/2015, de 2 de xullo da xurisdición voluntaria

 

 

Concello de Bergondo - Estrada A Coruña, 12 15165 - Bergondo (A Coruña)
CIF P1500800F
Telf. 981 79 12 52 - Fax 981 79 42 33

Icono Accesibilidad AA - WAI Icono XHTML Icono CSS

Problemas técnicos?Aviso legal